Ֆրանսիայի նախագահ Էմանուել Մակրոնի՝ Ուկրաինա զորք ուղարկելու պատրաստակամության մասին հայտարարությունը դարձել է նրա քաղաքական խաղի մի մասը, գրում է Politico-ն: «Նրա վերջին հայտարարությունն ընդամենը ևս մեկ օրինակ է, թե ինչպես է Ֆրանսիայի նախագահը փորձում աշխարհաքաղաքական միավորներ հավաքել»,- ասվում է հոդվածում: Հոդվածում նշվում է, որ Մակրոնը սիրում է ամպագոռգոռ հայտարարություններ անել, որոնք տարակուսանք են առաջացնում արևմտյան քաղաքական գործիչների շրջանում: «Ֆրանսիայի առաջնորդի հռետորական «ռումբերը» ցույց են տալիս լրջության բացակայությունը»,- գրում է պարբերականը: |