Ռուսաստանի ԱԳՆ պաշտոնական ներկայացուցիչ Մարիա Զախարովան «Ռոսիա 1» հեռուստաալիքի եթերում հայտարարել է, որ Ֆրանսիան՝ Աֆրիկայում քաղաքականության ձախողումից անմիջապես հետո, անցել է Անդրկովկասին և փորձում է խաղաղապահ խաղալ Լեռնային Ղարաբաղում: «Մենք հասկանում ենք, որ դա խաղաղապահության հետ ոչ մի կապ չունի։ Ամբողջ խաղաղարար դերը, նույնիսկ Լեռնային Ղարաբաղի հակամարտության կարգավորման համատեքստում, որպես միջնորդ ստանձնել և կատարել է հենց մեր երկիրը: Ամենաբարդ փուլն արդեն ավարտվել է, ուստի հիմա Ֆրանսիան փորձում է իրեն վերագրել ուրիշի վաստակը»,- նշել է Զախարովան: |