Ինչպես հայտնել ենք, այսօր իր ասուլիսի ժամանակ ՀՀ վարչապետ Նիկոլ Փաշինյանն Արշակ Կարապետյանին մեղադրեց 2021 թ. նոյեմբերի 14-ին ադրբեջանական զորքերի հարձակման մասին իրեն չզեկուցելու մեջ, նշելով, որ դա է եղել Կարապետյանին պաշտոնանկ անելու պատճառը: Քիչ առաջ ՀՀ պաշտպանության նախկին նախարար Արշակ Կարապետյանը հանդես եկավ տեսաուղերձով, որում, ըստ իր բնորոշման, ստիպված որոշ բացահայտումներ արեց: Նա մասնավորապես նշեց, որ նշված օրն ինքը եղել է Դուբայում` ԱԹՍ-ների մատակարարման շուրջ կարևոր բանակցությունների խնդրով, և վարչապետին հարձակման մասին պետք է զեկուցեր այն մարդը, ով մնացել էր երկրում` որպես իրեն փոխարինող: