Մոսկվայի Crocus City Hall-ի մոտ ահաբեկիչների սպիտակ Renault-ով վրաերթի ենթարկված տղայի վիճակը շարունակում է մնալ ծանր։ Այս մասին հաղորդում է Ren TV-ն։

Երեխայի մոտ ախտորոշվել է գլխի բաց վնասվածք, ուղեղի ցնցում, կրծքավանդակի փակ վնասվածք, թոքային կոնտուզիա, ուսոսկրի փակ կոտրվածք՝ տեղաշարժով, որովայնի առաջնային պատի կոնտուզիա և ձախ ազդրի փակ կոտրվածք։

Հիշեցնենք, որ Crocus City Hall-ի մոտ ահաբեկիչները մեծ արագությամբ վրաերթի են ենթարկել փոքրիկ տղային, երբ համերգասրահում տեղի ունեցած ահաբեկչությունից հետո նա մոր հետ փորձել է փախուստի դիմել։ Մայրն ու երեխան դուրս են վազել շենքից հենց այն պահին, երբ 4 ահաբեկիչները փորձել են հեռանալ մեքենայով։ Վարորդը միտումնավոր արագացրել ընթացքը է և ղեկը շրջել նրանց ուղղությամբ։