ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+19 °C, +18 °C ... +30 °C Վաղը`+30 °C
Վաճառքի է հանվել առաջին Xiaomi մեքենան
21:48, 28.03.2024 | mamul.am
5950 | 0

Նոր Xiaomi SU7-ն արդեն վաճառքում է: Չինական ընկերության պատմության մեջ առաջին ավտոմեքենան արդեն հասանելի է պատվերների համար, իսկ մեքենաները հաճախորդներին կսկսեն մատակարարվել ապրիլի վերջից։ Այս մասին հայտնում է CarNewsChina կայքը։ Ներկայում Xiaomi SU7 էլեկտրական մեքենան հասանելի է միայն Չինաստանում։ Այնտեղ այն արժե 215,900-ից մինչև 299,900 յուան ​​(29,900 - 41,500 դոլար): Արտահանումն այլ երկրներ կսկսվի ավելի ուշ։

Xiaomi SU7

Xiaomi SU7 էլեկտրական մեքենան կդառնա Tesla Model S-ի և Porsche Taycan-ի ավելի մատչելի այլընտրանքը։ Պարզեցված հինգ մետրանոց սեդանն իր չափերով համեմատելի է այս մոդելների հետ: Այն ունի 2 բեռնախցիկ և 4 էկրան սրահում։

Xiaomi SU7
Հաղորդվում է նաև, որ Xiaomi SU7-ը կառաջարկվի ինքնավար վարման համակարգի երկու տարբերակով՝ տեսախցիկներով` պարզ մոդելի հիմնական տարբերակների դեպքում և «առաջադեմ» ավտոպիլոտով` լիդարներով` թոփային տարբերակների համար:
Xiaomi SU7

Նոր Xiaomi SU7-ը կառաջարկվի երեք մոդիֆիկացիաներով.

ստանդարտ - մեկ շարժիչ, 300 ձիաուժ, 5,3 վրկ` 0-ից մինչև 100 կմ/ժ արագություն հավաքելու համար, առավելագույն արագությունը՝ 210 կմ/ժ, մարտկոցը՝ 73,6 կՎտժ, հեռահարությունը՝ 700 կմ:

Pro - մեկ շարժիչ, 300 ձիաուժ, 5,7 վրկ` 0-ից մինչև 100 կմ/ժ արագություն հավաքելու համար, առավելագույն արագությունը՝ 210 կմ/ժ, մարտկոցը՝ 94,3 կՎտժ, էներգիայի պահուստ՝ 830 կմ:

Max - երկու շարժիչ, 663 ձիաուժ, 2,8 վրկ` 0-ից մինչև 100 կմ/ժ արագություն հավաքելու համար, առավելագույն արագությունը՝ 265 կմ/ժ, մարտկոցը՝ 101 կՎտժ, էներգիայի պահուստ՝ 800 կմ։

Xiaomi SU7
Xiaomi SU7
Չինական սմարթֆոնների հսկա Xiaomi-ն ներկայացրել է իր առաջին էլեկտրական մեքենան
Կիսվի՛ր այս նյութով՝
դեպի վեր