Թուրքիայի հետ սահմանից մոտ 7 կմ հեռավորության վրա` Սիրիայի հյուսիսում գտնվող Աազազ քաղաքում ականապատ մեքենայի պայթյունի հետևանքով զոհվել է առնվազն 10 մարդ։ Այս մասին հայտնում է Al Mayadeen-ի թղթակիցը։

Պայթյուն է տեղի ունեցել շուկայում. Al Mayadeen-ի տվյալներով՝ վիրավորվել է ավելի քան 30 մարդ։ Հեռուստաալիքը նշում է, որ քաղաքը գտնվում է Թուրքիայի կողմից աջակցվող ստորաբաժանումների վերահսկողության տակ։

Մեքենան պայթեցրել են մահմեդական Ռամադան ամսվա ծոմի ավարտից հետո, հայտնում է Reuters-ը։ Al Jazeera-ն գրում է նաև, որ պայթյունը տեղի է ունեցել պիկ ժամին, երբ տեղի բնակիչները ծոմից հետո գնումներ կատարելիս են եղել։