Մարտի 7-ին Կառավարության շենքի մոտ բենզինով ինքնահրկիզման փորձ կատարած քաղաքացին 75-ամյա Ժորա Մալոյանն է, ով ArmLur-ի հետ զրույցում ասել է, որ ինքը գիտնական, գյուտարար է։ Նրա խոսքով՝ իրեն թույլ չեն տալիս ազգը փրկել Էներգետիկ ճգնաժամից, Հայաստանին սպառնացող վտանգներից։ Ժորա Մալոյանը բողոքում է, որ լրատվամիջոցները հրաժարվում են իրենից հարցազրույց վերցնել, ուստի ինքնահրկիզման փորձը իր ձայնը լսելի դարձնելու նպատակ է ունեցել։ Իսկ Հայաստանին սպառնացող վտանգների ու իր ունեցած փաստարկների մասին խոստացավ խոսել այն ժամանակ, երբ իր համար մամուլի ասուլիս կկազմակերպվի։ |