Թբիլիսիի ոստիկանությունը ձերբակալել է Վրաստանի խորհրդարանի շենքի դիմաց անցկացված «Օտարերկրյա գործակալների» մասին օրենքի դեմ բողոքի ակցիայի 14 մասնակցի, հաղորդում է Վրաստանի ՆԳՆ-ն: Նախարարության տվյալներով՝ ձերբակալված անձինք խախտել են հասարակական կարգը, դիմադրություն ցույց տվել և վիրավորել ոստիկանության աշխատակիցներին։ Նախարարությունը նաև հայտնել է, որ ակցիայի մասնակիցների բռնի գործողությունների հետևանքով տուժել է 1 ոստիկան։ Նշենք, որ գիշերը բախումներ են տեղի ունեցել ոստիկանների և ցուցարարների միջև։ |