+23 °C, +16 °C ... +29 °C Վաղը`+28 °C
Եվրոմիությունը նախապես իմացել է Իսրայելին Իրանի կողմից պատրաստվող պատասխան հարվածի մասին, ծանուցումը ԵՄ-ն ստացել է հարվածից մի քանի օր առաջ։ Ինչպես հաղորդում է ՏԱՍՍ-ը, այս մասին հայտնել է Եվրոմիության արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը: «Մեզ նախազգուշացրել են հարվածից մի քանի օր առաջ»,-ասել է նա՝ ֆրանսիական Le Monde թերթին տված հարցազրույցում՝ պատասխանելով հարցին, թե արդյոք Իրանի պատասխան հարվածը ԵՄ-ի համար անակնկալ էր: Նա չի հստակեցրել, թե որտեղից են ԵՄ իշխանությունները ստացել հարվածի նախապատրաստման մասին տեղեկությունը։ Բորելի խոսքով՝ Իսրայելի վրա հարձակումից հետո Իրանի ԱԳ նախարար Հոսեյն Ամիր Աբդոլլահիանն իրեն հայտնել է, որ Իսլամական Հանրապետությունը հարվածել է բացառապես «ռազմական օբյեկտներին», և հասկացրել է, որ դա «վերահսկելի պատասխան» է։ Բորելը նշել է, որ եթե Թեհրանն իսկապես ցանկանար զգալի վնաս հասցնել, ապա Իսրայել չէր ուղարկի անօդաչուներ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am