ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+18 °C, +12 °C ... +25 °C Վաղը`+28 °C
Մահվան ելքով վրաերթ՝ Երևանում․ փախուստի դիմած վարորդը հայտնաբերվել է
23:48, 18.04.2024 | mamul.am
5369 | 0

Ապրիլի 15-ին, ժամը 19։00-ի սահմաններում Մալխասյանց թիվ 1 հասցեի դիմացի հատվածում անհայտ մակնիշի և համարանիշի ավտոմեքենայի վարորդը վրաերթի է ենթարկել Կ․ Մելքոնյանին, նրան թողնելով անօգնական վիճակում, դեպքի վայրից դիմել էր փախուստի, հայտնում է ֆոտոլրագրող Գագիկ Շամշյանը:
Կ․ Մելքոնյանը ծայրահեղ ծանր ախտորոշմամբ տեղափոխվել էր «Երևան» բժշկագիտական կենտրոն, որտեղ էլ, գիտակցության չգալով, մահացել էր։

Աղբյուրի տեղեկություններով՝ պարզվել է վրաերթ կատարած ավտոմեքենայի մակնիշը, համարանիշը և այն վարած վարորդի ինքնությունը։ Կասկածյալը, ով Հայաստանի և Ռուսաստանի քաղաքացի է, հաշվառված է Երևան քաղաքում, սակայն բնակվում է Կոտայքի մարզում։

Քննիչներին հաջողվել է հայտնաբերել և՛ ավտոմեքենան, և՛ վարորդին։

Ավտոմեքենան տեղափոխվել է ՊԾ Երևան քաղաքի գնդի պահպանվող հատուկ տարածք, իսկ վարորդը` 29-ամյա Արտյոմ Առաքելյանը, ձերբակալվել է։

Կիսվի՛ր այս նյութով՝
դեպի վեր