ԱՄՆ Սենատը երեքշաբթի երեկոյան հավանություն է տվել 95 մլրդ դոլարի օգնության մասին օրինագծերի փաթեթին, որը նախատեսում է միջոցներ հատկացնել Ուկրաինային՝ սպառազինություն գնելու համար։ Փաթեթին կողմ է քվեարկել 79, դեմ՝ 18 սենատոր։ Այդպիսով սենատորները հավանություն են տվել փաստաթղթին, որն անցած շաբաթ ընդունել էր Ներկայացուցիչների պալատը, հաղորդում է CNN-ը: Նշվում է, որ փաստաթուղթը կփոխանցվի ԱՄՆ նախագահ Ջո Բայդենին, որը խոստացել է «անհապաղ ստորագրել»։ |