Ինչպես հայտնի է, այսօր Ծիծեռնակաբերդի բարձունքում` Ցեղասպանության զոհերի հուշահամալիրում ԱԺԲ-ի անդամներն Աննա Հակոբյանին «ողջունել են» «Նիկոլ դավաճան, հողատու, ցեղասպան» և այլ վանկարկումներով: Ներկա լրագրողներից մեկն էլ փորձել է մեկնաբանություն ստանալ վարչապետի տիկնոջից տեղի ունեցող իրադարձությունների վերաբերյալ, սակայն նա ոչ մի արձագանք չի տվել: Եվ միայն, երբ լրագրողը բացականչում է` «Արցախը Հայաստան է», Աննա Հակոբյանը միանգամից խոժոռվում է ու զայրացած հայացքով երկար նայում «մեղանչողին»: