Թբիլիսիում՝ խորհրդարանի շենքի մոտ գտնվող Ռուսթավելի պողոտայում, «Օտարերկրյա գործակալների» մասին օրինագծի դեմ բողոքի ակցիայի մասնակիցները պատռել են Ռուսաստանի դրոշը։

«Ռուսթավի 2»-ի հաղորդմամբ՝ ցուցարարներից մեկն այրել է այն։

Հիշեցնենք, որ ապրիլի 17-ին Վրաստանում առաջին ընթերցմամբ ընդունել են իշխող «Վրացական երազանք» կուսակցության առաջարկած «Օտարերկրյա ազդեցության թափանցիկության մասին» օրինագիծը: Այն պարտավորեցնում է արտասահմանից ֆինանսավորման ավելի քան 20 տոկոս ստացող հասարակական կազմակերպություններին և լրատվամիջոցներին գրանցվել որպես «օտարերկրյա ուժի շահերը սպասարկող կազմակերպություն»: Մայիսի 1-ին նախագիծն ընդունվել է երկրորդ ընթերցմամբ՝ 83 կողմ, 23 դեմ ձայների հարաբերակցությամբ։