Կրեմլի խոսնակ Դմիտրի Պեսկովը «շատ վտանգավոր» միտում է անվանել եվրոպացի քաղաքական գործիչների հայտարարությունները, հաղորդում է ТАСС-ը։ «Մենք տեսնում ենք բանավոր էսկալացիա պաշտոնական ներկայացուցիչների կողմից։ Տեսնում ենք նաև հայտարարություններ Ֆրանսիայի և Մեծ Բրիտանիայի ղեկավարների կողմից։ Ֆրանսիայի նախագահ Էմանուել Մակրոնը մշտապես խոսում է Ուկրաինայի հակամարտությանն իր անմիջական ներգրավվածության հնարավորության մասին։ Սա շատ վտանգավոր միտում է։ Մենք ուշադիր հետևում ենք»,-ասել է Պեսկովը։ Նա նաև մեկնաբանել է Մեծ Բրիտանիայի ԱԳ նախարար Դևիդ Քեմերոնի հայտարարությունը՝ Ռուսաստանին բրիտանական զենքով հարվածելու հնարավորության մասին։ «Այս հայտարարությունը կարող է վտանգել եվրոպական անվտանգության ողջ ճարտարապետությունը»,-շեշտել է Պեսկովը։ |