Լրագրող Ոսկան Սարգսյանի ֆեյսբուքյան գրառումը. «Կիրանցի, Ոսկեպարի, Բաղանիսի, Տավուշի մարզի ողջ սահմանագոտու, Հայաստանի բախտը վճռվում է Երևանում, ուր բնակչության մեծամասնությունը իբր քաղաքականությամբ չի զբաղվում։ Տիտղոսային ընդդիմությունը խորհրդարանում քաղաքական թատրոն է տալիս։ Բանն այն է, որ ընդդիմությունը և Նիկոլ Փաշինյանը նույն տեղից՝ դրսից են հրահանգներ ստանում, «դուրսն» էլ Նիկոլ Փաշինյանին հեռացնելու որոշում չունի։ Ցավն այն է, որ Հայաստանում, ով փող ու ռեսուրսներ ունի իշխանափոխություն անելու, այդ անելու համար հրահանգ, ցանկություն չունի, իսկ ովքեր անկեղծ հայրենասիրությամբ ցանկանում են գահավիժող Հայաստանը փրկել ՔՊ-ից ու Ադրբեջանից, իշխանափոխություն անելու համար փող և ռեսուրսներ չունեն։ Կիրանցում ՔՊ-ական իշխանությունն արեց շատ անօրեն բաներ, այլանդակություններ, սակայն Երևանում գործադուլ, դասադուլ չեղավ, միայն ցուցադրաբար, կարճաժամկետ ճանապարհ փակեցին-բացեցին»։