+17 °C, +9 °C ... +20 °C Վաղը`+21 °C
Ռուսական ընդդիմության առաջնորդ Ալեքսեյ Նավալնու այրին՝ Յուլյան, Վլադիմիր Պուտինի երդմնակալության օրը տեսաուղերձ է հղել։ Նավալնայան հիշեցրել է՝ ինչով են առանձնացել Պուտինի պաշտոնավարման տարիները, ինչպես նաև այն խոստումները, որոնք նա տվել է ռուսաստանցիներին և չի կատարել։ Մասնավորապես, նրա խոսքով, Պուտինի չորրորդ ժամկետը նշանավորվել է Ուկրաինա ներխուժմամբ։ «Անձամբ ինձ համար Պուտինի կառավարման վերջին տարիներն այն տարիներն են, երբ իմ ամուսնուն՝ ազնիվ և խիզախ մարդու, իսկական հայրենասերի, հետապնդում էին, թունավորում քիմիական զենքով, դատում, 3 տարի խոշտանգում բանտում, որից հետո նրան սպանեցին։ Եվ դա արեց Պուտինը։ Պուտինի խոստումները ոչ միայն դատարկ են, այլև՝ կեղծ։ Արդեն 25 տարի։ Նրա յուրաքանչյուր ժամկետի հետ ամեն ինչ դեպի վատն է գնում։ Եվ սարսափելի է պատկերացնել, թե էլ ինչ տեղի կունենա, քանի դեռ Պուտինը մնում է իշխանության ղեկին»,- ասել է Նավալնայան։ Ուղերձի վերջում նա հայտարարել է, որ պետք է այնպես անել, որ «աշխարհում ոչ ոք չհավատա Պուտինին»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am