Տավուշի սահմանազատումը և ՀՀ ԶՈւ հետքաշումը կարող են ճեղքվածք ստեղծել պաշտպանության ոլորտում, լրագրողներին ասել է ԳՇ պետի նախկին տեղակալ Տիրան Խաչատրյանը:
«Տասնամյակներ շարունակ այնտեղ կառուցվել են հզոր պաշտպանական ամրություններ՝ հաշվի առնելով տեղանքը, ռելիեֆը, հակառակորդի դիրքը և շատ այլ գործոններ։ Եվ այն բացը, որն առաջանում է զորքերի հետքաշման արդյունքում, չափազանց դժվար կլինի լրացնել»,- ասաց նախկին զինվորականը։
Նա մտավախություն ունի, որ այն բանից հետո, երբ բանակային ստորաբաժանումները հետ քաշվեն զբաղեցրած բնագծերից, հակառակորդը համեմատաբար հեշտությամբ կարող է իր ուժերն ու միջոցները շարժել դեպի Հայաստանի տարածքի խորքը և սկսել ծավալվել: