Ուկրաինան ցանկանում է Շվեյցարիայում կայանալիք միջազգային գագաթնաժողովում էներգետիկ, այդ թվում՝ միջուկային, անվտանգության երաշխիքներ ստանալ Արևմուտքից։ Այս մասին հայտարարել է Ուկրաինայի նախագահ Վլադիմիր Զելենսկին։ «Ցանկանում ենք ստանալ էներգետիկ անվտանգություն, այդ թվում՝ միջուկային»,- նրա խոսքը մեջբերում են ուկրաինական լրատվամիջոցները: Ուկրաինայի հարցով խորհրդաժողովը տեղի կունենա հունիսի 15-16-ը Շվեյցարիայի Բյուրգենշտոկ քաղաքում։ |