+29 °C, +16 °C ... +29 °C Վաղը`+27 °C
ԱՄՆ-ն սկսել է դուրս բերել իր զորքերը Նիգերից։ Այս մասին հայտարարել է հանրապետության ցամաքային զորքերի շտաբի պետ, գնդապետ Մամանե Սանի Կիաուն։ Ամերիկյան կոնտինգենտի դուրսբերման մասին պայմանավորվածություն է ձեռք բերվել այս տարվա մայիսի կեսերին Նիգերի պաշտպանության նախարարության պատվիրակությունների և ԱՄՆ-ի գլխավորած պատվիրակությունների միջև: Կոնտինգենտը պետք է լքի երկիրը մինչև այս տարվա սեպտեմբերի 15-ը։ 2023 թվականի դեկտեմբերին ֆրանսիական ռազմական կոնտինգենտը լքեց Նիգերը։ Այն տասը տարի եղել է Նիգերում, նրա խնդիրն էր` պայքարել ահաբեկչական իսլամիստական խմբավորումների դեմ Սահելում։ Անցյալ ամառ Նիգերում տեղի ունեցած հեղաշրջումից հետո Նիամիի և Փարիզի հարաբերությունները վատթարացան։ Ֆրանսիայի դեսպանը հայտարարվեց պերսոնա նոն գրատա և սեպտեմբերի 27-ին լքեց Նիգերը՝ ռազմական իշխանությունների այս որոշմանը շաբաթներ շարունակ դիմակայելուց հետո։ Զինվորականները նաև պահանջել են, որ ֆրանսիական զորախումբը լքի երկիրը։ Ֆրանսիական զորքերի դուրսբերումն սկսվել է հոկտեմբերին։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am