Միացյալ Նահանգներում քաղաքական չդադարող վիճաբանությունը վնաս է հասցնում արժեթղթերի և հումքի շուկաներին: Այն նաև ստիպում է ԱՄՆ-ում տոնական գնումներ կատարողներին խնայել իրենց ունեցած միջոցները:

ԱՄՆ նախագահ Բարաք Օբամայի՝ Կոնգրեսում իր կողմից գլխավորած դեմոկրատական կուսակցության դաշնակիցների և երկրում ընդդիմություն կազմող հանրապետականների միջև բանակցությունները փակուղի են մտել՝ պետական ծախսերի և հարկերի դրույքաչափերի շուրջ համաձայնության չգալու պատճառով: Դրա պատճառով գալիք տարվա սկզբին ուժի մեջ ինքնաբերաբար կմտնի ''ֆինանսական ժայռ'' անվանումը ստացած միջոցների փաթեթը, որով նախատեսվում է բարձրացնել հարկերի դրույքաչափերը և զգալիորեն կրճատել պետական ծախսերը:

Տնտեսագետներից շատերը զգուշացնում են, որ հարկերի նման բարձրացումն ու պետական ծախսերի կրճատումը կարող են պատճառ դառնալ տնտեսական նոր անկման: Միացյալ Նահանգներում տնտեսական անկումը վնաս կհասցնի այլ պետություններում արտադրված բազմաթիվ ապրանքների նկատմամբ պահանջարկին, ինչը, իր հերթին, կվնասի այս պետությունների տնտեսություններին: