+22 °C, +13 °C ... +26 °C Վաղը`+29 °C
Սպիտակ տունը չեղարկել է ԱՄՆ-Իսրայել բարձր մակարդակով հանդիպումը՝ Իսրայելի վարչապետ Բենիամին Նեթանյահուի տարածած տեսանյութի պատճառով, որում նա պնդում է, որ ԱՄՆ-ն հետաձգում է Իսրայելին ռազմական օգնության հատկացումը, գրում է Axios-ը՝ հղում կատարելով ամերիկացի և իսրայելցի պաշտոնյաներին։ Հանդիպումը, որի ընթացքում ԱՄՆ-ն և Իսրայելը պետք է քննարկեին Իրանի թեման, նախատեսված էր հինգշաբթի։ Սակայն ԱՄՆ նախագահ Ջո Բայդենի գլխավոր խորհրդականներին «զայրացրել է» Նեթանյահուի տեսագրությունը։ Axios-ը նշում է, որ հանդիպումը չեղարկելու որոշումը «ինքնաբուխ» է եղել․ իսրայելցի որոշ պաշտոնյաներ բանակցությունների համար մեկնում էին Վաշինգթոն, սակայն նրանց հորդորել են հետ վերադառնալ։ «Ամերիկացիները զայրացած են։ Բիբիի (Նեթանյահուի մականունը-խմբ․) տեսանյութը մեծ վնաս է հասցրել»,- պարբերականի հետ զրույցում ասել է իսրայելցի բարձրաստիճան պաշտոնյան։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am