«Ես ֆինանսական մասով բացարձակ պատասխանատվություն չունեմ, ոչ էլ գիտեմ՝ ինչ է լինում, մարդիկ մասնակցում են իրենց գումարներով, իրենց միջոցներով»,- մամուլի ասուլիսի ժամանակ ասաց Բագրատ Սրբազանը՝ անդրադառնալով Շարժման ֆինանսական աղբյուրների վերաբերյալ հարցին։
«Հրապարակի բեմահարթակի մասով էլ դիմեք համապատասխան կազմակերպությանը, կասեն՝ ովքեր են վարձել, ինչ գումարներով և ինչպես։ Մենք կենտրոնացված ֆինանսական մուտքեր չունենք, չեք հավատում, չէ՞, բայց այդպես է»,- ասաց նա։ Շարժման հավաքներին մասնակցելու համար ենթադրյալ գումարներ բաժանելու գործերով ձերբակալվածների մասին խոսելիս՝ նշեց․ «Ամեն ինչ կպարզվի»։