Կիրանցում պահեստազորի գնդապետ Միհրան Մախսուդյանը լրագրողներին ցույց տվեց գյուղից մի քանի հարյուր մետր այն կողմ գտնվող ադրբեջանական դիրքերը․ «Էդ դիրքը ժամանակավոր է, այլընտրանքային ճանապարհը սարքելուց հետո առաջ են գալու, գյուղի նորակառույց դպրոցից 50-60 մետր հեռավորության վրա նստեն։ Սահմանն այդտեղով է անցնելու»,-ասաց գնդապետը՝ հավելելով, որ գյուղի 60 հա հողատարածքն արդեն հակառակորդի տարածքում է և, ըստ օդում կախված լուրերի, թշնամին մեր դիրքապահներին հերթափոխի համար ճանապարհ չի տալիս, ջրի մեջով են անցնում։