Այս պահին ՀՀ դեսպանի հետ Իսրայելի ԱԳՆ-ում հանդիպում տեղի չի ունեցել։ Այս մասին Tert.am-ին ասել է ԱԳՆ խոսնակ Անի Բադալյանը: «Պաղեստինի պետության ճանաչման վերաբերյալ ՀՀ ԱԳՆ-ն հրապարակել է հայտարարություն, որում ներկայացված են ՀՀ մոտեցումները, այդ թվում՝ «երկու պետություն» սկզբունքի մասով: Հանրային լրացուցիչ մեկնաբանություն չունենք»,- ասել է նա։ Հիշեցնենք, որ այսօր Իսրայելի ԱԳՆ-ն կանչել էր Հայաստանի դեսպանին և խիստ նկատողություն հայտնել՝ Պաղեստին պետությունը ճանաչելու մասին ՀՀ ԱԳՆ-ի հայտարարությունից հետո։ |