Հունիսի 16-ին գողության դեպք է տեղի ունեցել Երևանում։ Ժամը 19։00-ի սահմաններում ՆԳՆ է զանգահարել Սյունիքի մարզի բնակիչ 52-ամյա Անդրանիկ Մ-ն և հայտնել, որ նույն օրը ժամը 18։30-ի սահմաններում նկատել են, որ տեխնիկական միջոցների գործադրմամբ դուռը բացելու միջոցով գողացել են Սայաթ-Նովա պողոտա 13 հասցեում տեղադրված «Թելսել» տերմինալի դրամատուփը, որի մեջ եղել է 1 մլն 200 հազար դրամ: Ինչպես հայտնում է Գ․ Շամշյանը, Անդրանիկ Մ-ն ոստիկաններին հայտնել է, որ աշխատում է «Թելսել» ԲԲԸ-ում՝ որպես անվտանգության պետ։ |