+19 °C, +14 °C ... +28 °C Վաղը`+28 °C
ԱԺ «Քաղաքացիական պայմանագիր» խմբակցության պատգամավոր Անդրանիկ Քոչարյանն «Առաջին լրատվական»-ի տաղավարում անդրադարձել է Արցախի նախագահ Սամվել Շահրամանյանի վերջին հարցազրույցներից մեկին, որտեղ նա ասել էր հետևյալը. «Ինչ վերաբերում է նրան, որ մենք միլիարդավոր զենքեր ենք թողել, Փաշինյանը պետք է լավ իմանա՝ սպառազինությունը ում հաշվեկշռում էր գտնվում ու ով էր դրա համար պատասխանատու։ Արցախի ՊԲ-ն մինչև վերջին օրը ենթարկվել է ՀՀ կառավարությանը, հանդիսացել ՊՆ-ի տարածքային ստորաբաժանումը: Մենք ժամեր անց հասկացել ենք, որ մենակ ենք և դիմադրել 1/12-ի հարաբերակցությամբ Ադրբեջանի զինված ուժերին հնարավոր չէր, պետք էր փրկել կյանքեր, պետք էր ամեն քայլի գնալ, ինչը որ Արցախի կառավարությունն արել է»: Քոչարյանի խոսքով՝ Շահրամանյանի հայտարարությունները վտանգում են ՀՀ անվտանգությունը. «Արցախը կորցնելուց հետո իրենք բոլորը պետք է կենտրոնանան ՀՀ պետական համակարգն ամեն օր ամրացնելու խնդրի շուրջ: Ինքը շատ վտանգավոր հայտարարարություն է արել, նույնն արեց Արցախում՝ մինչև հայաթափվելը: ՀՀ-ի դեմ, ըստ էության, ժողովրդական լեզվով ասած՝ գործ է տալիս: Ինչի՞ ես էդպիսի բան անում, պարո՛ն Շահրամանյան: Հանձնարարություն է կատարում Ռ. Քոչարյանի կողմից: Եթե վերջինն էդտեղ չկա, թող ասի՝ չկամ»,- ասել է պատգամավորը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am