Աշխարհահռչակ երգչուհի Սելին Դիոնը ցուցադրել է սահմռկեցուցիչ կադրեր, որոնք արվել են իր անբուժելի ու եզակի հիվանդության նոպայի ժամանակ:
Երգչուհին 17 տարի գաղտնի է պահել իր ախտորոշումը` մկանների կարծրության համախտանիշ, որը հազվադեպ հիվանդություն է: Վերջին տարիներին վիճակը վատթարացել է, և Դիոնը ստիպված է եղել լքել բեմը, քանի որ շնչահեղձություն հիշեցնող նոպաները խանգարել են նրան երգել։ Հայտնի աստղը բացահայտել է բոլոր մանրամասները իր «Ես Սելին Դիոնն եմ» վավերագրական ֆիլմում։ Այնտեղ երգչուհին հստակ ցույց է տվել, թե ինչպիսին է իր վիճակը նոպաների ժամանակ։ Դիոնի ախտորոշումը բուժում չունի, սակայն ժամանակակից բժշկությունը կարող է դանդաղեցնել դրա զարգացումը։ Այժմ երգչուհին, ըստ երևույթին, իրեն փոքր-ինչ ավելի լավ է զգում, քան մեկ տարի առաջ։ Նա սկսել է շատ ավելի հաճախ դուրս գալ փողոց և դեռ հույս ունի վերադառնալ բեմ: