Վանա լճում ջրասուզման աշխատանքներ իրականացնող խմբի ղեկավար Թահսին Ջեյլանի փոխանցմամբ լճում` 100 մետր խորության վրա, հայտնաբերվել են յուրահատուկ կորալներ (բուստեր):

30 մետր երկարությամբ կորալների գեղեցկությունն ապշերել է ջրասույզներին, որոնց պնդմամբ` դրանք ունեն հարյուրավոր տարիների պատմություն:

Ջրային հարցերով ֆակուլտետի պրոֆեսոր Մուսթաֆա Սարընը հայտնել է, որ այս հրաշքը հայտնաբերվել է Վանի Ախթամար կղզու մոտ:

«Ավելի վաղ նման հրաշք տեսնելու համար գնում էինք Ինդոնեզիա կամ Կարմիր ծով, այժմ մարդիկ կգան մեզ մոտ, քանի որ ամենամեծ կորալն այստեղ է»:

Պրոֆեսորը Վանա լճի կորալները համեմատել է Կարմիր ծովի կորալների հետ: