Կանադայի համալսարանում անց են կացվելու սոցիոլոգիայի դասընթացներ, որոնք ուղղված են լինելու Կրիշտիանու Ռոնալդուի ֆենոմենի ուսումնասիրությանը։ «Սոցիոլոգիան ոչինչ է, առանց մարդու և նրա փորձի ձևավորման գործընթացների, ինչպես նաև սոցիալական ուժի հայտնաբերման, որոնք գործի են դնում այդ գործընթացները։ Այդ պատճառով ուզում եմ պատմել` ով է Ռոնալդուն, ինչն է դարձրել նրան հռչակավոր ֆուտբոլիստ, ինչ վերաբերմունք ունի նա Պորտուգալիայի, հարազատ քաղաք Մադեյրայի նկատմամբ: Ասում են՝ Ռոնալդուն մարմնավորում է ուժը, արագությունը, մրցունակությունը, էթիկան, կազմակերպվածությունը և հարմարվողականությունը։ Այդ գործառույթները, իրապես, «իսկական պորտուգալական են», քանի որ հայրենիքից դուրս պորտուգալացիները դրսևորում են իրենց որպես համառ, կազմակերպված և վճռական մարտիկներ։ Ֆուտբոլը և կրիտիկական սոցիոլոգիան իմ երկու ամենասիրելի զբաղմունքներն են, իսկ Ռոնալդուն տվեց ինձ դրանք միավորելու հնարավորություն»,- ասել է սոցիոլոգիայի պրոֆեսոր Լուիս Ագուարը։ Նշենք, որ Ռոնալդուն առաջին ֆուտբոլիստը չէ, ով դարձել է ուսումնական ծրագրի մաս։ Ավելի վաղ, Մեծ Բրիտանիայի Սթաֆորդշիրի համալսարանը կուրս է անցկացրել՝ նվիրված Դևիդ Բեքհեմի ֆենոմենին։