«Վառիր քո մոմը» խորագրով ֆլեշ մոբը, որը կազմակերպվել է Հայոց Մեծ Եղեռնի 100-ամյա տարելիցին «ՓիԱր-ի Զարգացման Հայկական Կենտրոնի» կողմից, համացանցում լայն տարածում է գտել: Ֆլեշ մոբին միացել են բամաթիվ մասնակիցներ ինչպես Հայաստանից, այնպես էլ արտերկրից:

Այս միջոցով կենտրոնը նպատակ ունի աշխարհասփյուռ հայությունից ապրիլ ամսին խորհրդանշական թվով` 1.5 միլիոն հայերի հրավիրել Հայաստան: Ֆլեշ մոբին միանալու համար մասնակիցը տեսանյութի միջոցով Հայաստան ժամանելու հրավեր է ուղարկում արտերկրում բնակվող հայի: Ձեռքում բռնելով վառվող մոմ` մասնակիցը դրսում գտնվող իր ընկերոջը կամ բարեկամին կոչ է անում ապրիլին գալ Հայաստան` միասին այդ մոմը վառելու: Այսպիսով ֆլեշ մոբի յուրաքանչյուր մասնակից մեկ Հիշատակի և Վերածննդի մոմ է վառում 1915-ին նահատակված մեկ հայի համար: Արդյունքում` 1.5 միլիոն վառված մոմեր` 1.5 միլիոն հայերի համար:

Օրերս ֆլեշ մոբին է միացել Երևանի Մխիթար Հերացու անվան բժշկական համալսարանի ուսանող` ազգությամբ հնդիկ Կապիլ Դասը: Ֆլեշ մոբին են միացել նաև Լոռու «Ֆորտունա» հեռուստաընկերության աշխատակիցները: