ՖԻԴԵ-ն հրապարակել է շախմատիստների միջազգային նոր վարկանիշները` 2015 թվականի մարտի 1-ի դրությամբ: Ցավոք, մեր առաջատար շախմատիստ Լևոն Արոնյանը նահանջել է 1 հորիզոնականում և այժմ եզրափակում է լավագույն տասնյակը՝ 2770 միավորով։ Վարկանշային աղյուսակը շարունակում է գլխավորել Մագնուս Կարլսենը՝ 2863 միավորով։ 100 լավագույն գրոսմայստերների ցուցակում ընգրկվել են մեր շախմատիստներից ևս 4-ը։ Հրանտ Մելքումյանը 64-րդն է, Տիգրան Պետրոսյանը՝ 71-րդը, Գաբրիել Սարգսյանը՝ 74-րդը, իսկ Վլադիմիր Հակոբյանը՝ 90-րդը: Ներկայացնում ենք լավագույն շախմատիստների տասնյակը՝ 1. Մագնուս Կարլսեն (Նորվեգիա)` 2863 միավոր 2. Ֆաբիանո Կարուանա (Իտալիա)` 2802 միավոր 3. Հիկարու Նակամուրա (ԱՄՆ)՝ 2798 միավոր 4. Վեսելին Թոփալով (Բուլղարիա)՝ 2798 միավոր 5. Ալեքսանդր Գրիշչյուկ (Ռուսաստան)` 2794 միավոր 6. Վիշվանաթան Անանդ (Հնդկաստան)՝ 2791 միավոր 7. Անիշ Գիրի (Հոլանդիա)` 2790 միավոր 8. Ուեսլի Սո (ԱՄՆ)՝ 2788 միավոր 9. Վլադիմիր Կրամնիկ (Ռուսաստան)՝ 2783 միավոր 10. Լևոն Արոնյան (Հայաստան)` 2770 միավոր: |