Միջազգային շուկայում նավթի գների աճ է գրանցվել` պայմանավորված Մերձավոր Արևելքում լարված իրավիճակի հետևանքով ներդրողների մտավախությունների հետ:

Առավոտյան լոնդոնյան բորսայում եվրոպական «Բրենթ» մակնշման նավթի 1 բարելի արժեքն ավելացել է 0,88%-ով` հասնելով 61,01 դոլարի: Ամերիկյան «WTI» մակնշման նավթի 1 բարելը գնահատվել է 51,14 դոլար` 0,75-ով ավել:

Լիբիայի ազգային նավթային ընկերությունն իր 11 նավթահանքում ֆորս-մաժորային դրություն է հայտարարել` ռազմական բախման հետևանքով: Վերլուծաբանների տվյալներով` չդադարող մարտերի հետևանքով երկում նավթի արդյունահանումը կրճատվել է: