«Apple» ընկերությունը երեկ անց է կացրել 2015-ի իր առաջին շնորհանդեսը: Միջոցառմանը ներկայացվել է «Apple Watch» առաջին սմարթ-ժամացույցը: Այն առաջարկվում է 2 չափերով: Սմարթ-ժամացույցի էկրանն ստացել է մարքեթինգային «Ռետինա» անվանումը: Այն գործում է «Apple S1» ֆիրմային պրոցեսորի միջոցով: Մարտկոցի աշխատանքային հնարավորությունը 18 ժամ է:«Apple»-ի ղեկավար Թիմ Քուքը «Apple Watch»-երը որակել է ընկերության կողմից երբևէ ստեղծված ամենաանհատական սարքավորումը: «Apple Watch»-ի արժեքը 549-1099 դոլար է` կապված դրա ձևափոխումների հետ: Սմարթ-ժամացույցները կվաճառվեն Ավստրալիայում, Կանադայում, Չինաստանում, Ֆրանսիայում, Ճապոնիայում, Հոնկոնգում, Գերմանիայում, Մեծ Բրիտանիայում և ԱՄՆ-ում: |