Ավելի վաղ Ստեփանակերտի հոպիտալից մեզ հետ զրույցում հայտնել էին, որ վիրավորված չորս զինվորներից երկուսին տեղափոխում են Երևան: Քիչ առաջ պարզ դաձավ, որ վիրավորված զինվորներից մեկը Արարատի մարզի Արևաբույր գյուղի բնակիչ 20-ամյա Սամվել Սասունի Հակոբյանն է: ՄԱՄՈՒԼ.am լրատվականի թղթակցի հետ զրույցում Արևաբույրի գյուղապետ Մարտին Ավետիսյանն ասաց, որ տղայի վիճակը ծայրահեղ ծանր է: Գնդակը դիպել է գլխին: «Երեկ վիրահատել են, արյունահոսությունը կանգնեցրել, բայց գնդակը չեն կարողացել հանել գլխից: Տղան դեռ կոմայի մեջ է: Սպասում են` եղանակային պայմանները բարելավեն, որ ուղղաթիռով տեղափոխեն Երևան»,- նշեց գյուղապետը: Նա նաև հայտնեց, որ տղայի ծնողները համագյուղացիների հետ մեկնել են Ստեփանակերտ: Վիրավոր Ս. Հակոբյանը դեկտեմբերին կզորացրվի: |