Այս գիշեր Երևան է ժամանել աշխարհի 2006 թվականի չեմպիոն, Չեմպիոնների լիգայի կրկնակի հաղթող, Իտալիայի ազգային հավաքականի և «Միլանի» նախկին կիսապաշտպան Ջենարո Գատուզոն։ Հիշեցնենք, որ իտալացին Երևան է ժամանել՝ Խորեն Հովհաննիսյանի 60-ամյակին նվիրված հանդիպմանը մասնակցելու։ Նշենք, Խորեն Հովհաննիսյանի ծննդյան 60-ամյակին նվիրված հանդիպումը՝ ԽՍՀՄ և Աշխարհի հավաքականների միջև, տեղի կունենա այսօր՝ ժամը 16։00-ին, Վազգեն Սարգսյանի անվան «Հանրապետական» մարզադաշտում։ |