Այսօր իսպանացի հայտնի ֆուտբոլիստ, Իսպանիայի ազգային հավաքականի և Մադրիդի «Ռեալի» պաշտպան Սերխիո Ռամոսը դարձավ 29 տարեկան։ Ռամոսն աշխարհի 2010 թվականի չեմպիոն է, Եվրոպայի 2008 և 2012 թվականների չեմպիոն։ 2008 և 2012 թվականներին նվաճել է Իսպանիայի սուպերգավաթը, իսկ 2010/11 մրցաշրջանում՝ Իսպանիայի գավաթը։ Հետաքրքիր փաստեր՝ Սերխիո Ռամոսի կյանքից • Երիտասարդ տարիներին ֆուտբոլիստն ուներ «Շուսթեր» մականունը՝ բաց մազերի պատճառով։ • Մանուկ հասակում Ռամոսի համար ֆուտբոլային դաշտ էր ծառայում մարգագետինը՝ երկու կոճղերով՝ դարպասների փոխարեն։ • Երկար մազերի ու եսասիրության պատճառով մամուլում խոսակցություններ էին շրջանառվում, որ Ռամոսն ունի ոչ ավանդական սեռական կողմնորոշում։ • Պրոֆեսիոնալ կարիերայի սկզբին Սերխիոյի կուռքերն էին Կրիշտիանու Ռոնալդուն, Իկեր Կասիլյասը, Դևիդ Բեքհեմը, Ռաուլը, Զինեդին Զիդանը և Ռոբերտո Կարլոսը։ • Ձեռք բերել Ռամոսին` Ֆլորենտինո Պերեսին խորհուրդ է տվել իսպանացի երգիչ Խոսե Մերսեն։ • «Ռեալի» հետ պայմանագիր է կնքել տրանսֆերային պատուհանի փակումից մեկ ժամ առաջ։ • Երբ Սերխիոն խաղադաշտ է դուրս գալիս, խոտածածկին դիպչում է աջ ձեռքով, խաչակնքվում և նայում երկնքին։ Հետո ցատկում, վազում բոլոր չորս անկյուններով և ողջունում երկրպագուներին։ • Ռամոսը սիրում է երգել և կիթառ նվագել։ • Ռամոսի մարմնին կա ավելի քան 10 դաջվածք, և յուրաքանչյուրն ունի իր նշանակությունը։ • Իսպանիայի գավաթի նվաճումը տոնելու ընթացքում Սերխիոն գավաթը ձեռքից գցել էր։ Գավաթը վնասվել էր։ |