Ապրիլի 11-ին շոտլանդական Դանբլեյն քաղաքի կենտրոնի 12-րդ դարի եկեղեցում տեղի է ունեցել բրիտանացի հայտնի թենիսիստ Էնդի Մառեյի հարսանիքը։ Մառեյը եղբոր՝ Ջեյմիի հետ արարողությանը ժամանել է ավանդական շոտլանդական հագուստով։
Ավելի վաղ ԶԼՄ-ները տեղեկացրել էին, որ Մառեյը մտադիր է ավանդական հագուստը կրել ավանդական ձևով՝ առանց ներքնազգեստի։
Ամեն դեպքում, Շոտլանդիայում այս հարսանիքը անվանել են «թագավորական հարսանիքի շոտլանդական տարբերակ»։
Նշենք, որ 27-ամյա Մառեյը ծանոթացել է ապագա կնոջ՝ Քիմ Սիրսի հետ 17 տարեկանում։ Այդ ժամանակից ի վեր նրանք գրեթե չեն բաժանվել։ Սիրսը նկարչուհի է՝ կենդանիների դիմանկարների մասնագիտացմամբ։ Մառեյն ընկերուհուն ամուսնության առաջարկ էր արել 2014-ի նոյեմբերին՝ նվիրելով 200 հազար ֆունտ սթերլինգ արժողությամբ մատանի։