Չինաստանում Մշակույթի նախարարության ջանքերով այսուհետ օրենքով արգելված են թաղումների ժամանակ էրոտիկ պարերի ցուցադրությունները: Իսկ օրենքի իրականացումը կհսկեն իրավապահները, որոնք հերթապահություն իրականացնեն գերեզմանոցներում, կցրեն մերկապարուհիներին և կձերբակալեն կազմակերպիչներին: Թաղումներին մերկապարուհիներ հրավիրելու ավանդույթը Չինաստանում, ինչպես նաև՝ Թայվանում, գործում է վաղուց: Ըստ տեղի ավանդույթների՝ որքան շատ մարդ է գալիս հանգուցյալի թաղմանն, այնքան հարգված է եղել նա: Իսկ մարդկանց գրավելու լավագույն միջոցը կիսամերկ պարուհիներն են: Առաջին սկանդալը, կապված թաղման ժամանակ իրականացվող մերկապարերի հետ, Չինաստանում պայթել է 2006-ին, երբ նմանատիպ բովանդակությամբ տեսանյութ է հայտնվել համացանցում: Նշենք նաև, որ, ի տարբերություն Չինաստանի, նրա հարևան Թայվանում ոչ ոք անօրինական, առավել ևս՝ անբարոյական չի համարում իր մտերիմ հարազատի թաղման ժամանակ մերկապարուհիներ հրավիրելը: |