Մոտ ամիսներին Նեպալում ևս մեկ կործանիչ երկրաշարժ է սպասվում. այս եզրակացությանն է հանգել հույն սեյսմոլոգ Էֆթիմիոս Լեքքասը: Գիտնականների խմբի հետ նա առաջիններից մեկն էր, որ եկել էր Նեպալ առաջին ուժգին երկրաշարժից հետո, որպեսզի գնահատի սեյսմիկ պատկերը և տեղեկացնի այդ մասին ՄԱԿ-ին: «Երբ մենք եկանք, փրկարարները նոր-նոր սկսում էին աշխատանքները: Փրկվածները դեռ երկար ամիսներ կվախենան վերադառնալ իրենց տները: Նրանք քնում են բաց երկնքի տակ: Մարդիկ հազարներով լքում են Կատմանդուն, անվճար ավտոբուսների անվերջանալի հերթերը նրանց տանում են մայրաքաղաքից: Համաձայն գիտնականի՝ սեյսմիկ վտանգ ունեցող Նեպալում գրեթե բոլոր շինությունները կառուցված են եղել առանց սեյսմակայունության տարրական կանոնների: |