ԱԺ ճեպազրույցների ժամին ՀԱԿ խմբակցության ղեկավար Լևոն Զուրաբյանն անդրադառնալով Լոռու, Տավուշի և Սյունիքի մարզերի 23 համայնքներում անցկացված հանրաքվեին, ասել է. «Հանրաքվեի օրը բազմաթիվ ճնշումներ են եղել և՛ գյուղապետերի, և՛ ընտրական հանձնաժողովների անդամների վրա, իշխանությունները խառնվել էին իրար, բայց կարողացանք պահել իրավիճակը, միակ տեղը, որ չհաջողվեց, Գորիսն էր` ձեզ հայտնի անձի շնորհիվ»,- ասել է նա:
Հիշեցնենք` հանրաքվեի հաջորդ օրը ՄԱՄՈՒԼ.am-ը ևս նամակ էր ստացել Դիլիջանի բնակիչներից մեկից, ով նշել էր հետևյալը. «Ժամը 19.00-ից մինչև 20.00-ն, քաղաքապետը զանգում էր պետական բյուջեից սնվող հիմնարկների տնօրեններին և սպառնալիքի ներքո ստիպում անձնակազմին ուղարկել ընտրության»: