Սյունիքի մարզպետ Սուրիկ Խաչատրյանը որևէ մեկին չի կասկածում իր դեմ իրականացված մահափորձի մեջ: «Դեպքն ինչպիսին էլ ուզում է լինել, արդեն անցյալում է, ես ձեր դեմ կանգնած եմ: Աստված փրկեց ինձ, որ դուք էլ բարի լինեք, ձեզ էլ կփրկի»,- դիմելով լրագրողներին` ասաց մարզպետը: Դիտարկմանը, թե խոսակցություններ կան, որ դեպքը կազմակերպված ու բեմադրված է եղել, Խաչատրյանը նշեց. «Ձեզանից բացի ուրիշ խոսող չկա... Իրավապահներն աշխատում են, պետք է հանգիստ սպասեք արդյունքներին»: