«10 օրից ավել է` նկատում եմ, որ ԱԺ բակում նոր մեքենաներ են հայտնվել, ինչքանով հասկանում եմ` ԱԺ նախագահին ուղեկցող մեքենաներն են փոխվել: Ինչքա՞ն գումար է ծախսվել դրա համար»,- դիմելով Աժ աշխատակազմի ղեկավարին` հարցրեց պատգամավոր Էդմոն Մարուքյանը: «2014թ. ձեռք է բերվել 1 մեքենա, որը սպասարկելու է Աժ նախագահին, բայց ձեռք է բերվել 2013-ին, իսկ վճարումները կատարվել են 2014-ին: Այդ ընթացքում այլ մեքենաներ չեն գնվել»,- ասաց Հ. Թովմասյանը: «2014-ի ձմեռային Jeep-ի պատմությունը հիշում եմ, խոսքը դրա մասին չէ, խոսքը հենց հիմա Աժ նախագահի անվտանգությանը սպասարկող երկու Nissan-ի մասին է: Ծայրահեղ ծանր վիճակում գտնվող երկրի պաշտոնյաները պետք է այնպես պահեն իրենց, որ չծախսեն մեծ գումարներ: Երբ ասում ենք այս բանի համար փող է պետք, ասում են` չկա, մինչդեռ մեքենաներ են գնում»,- հավելեց պատգամավորը: |