ԵՊՀ-ի դիմաց հավաքված դիմորդների ծնողները լիահույս էին, որ «Հայոց լեզու և հայ գրականություն» առարկայի միասնական քննությանը ներկա կլինի նաև ՀՀ ԿԳ նախարար Արմեն Աշոտյանը, որպեսզի իրենց հուզող հարցերն անմիջապես նրան ուղղեն: ՄԱՄՈՒԼ.am-ի թղթակիցը քննության մեկնարկից առաջ ԳԹԿ տնօրեն Գագիկ Մելիքյանից հետաքրքվեց, թե նախարարը ներկա կգտնվի՞ քննությանը, վերջինը պատասխանեց, որ նախարարը չի լինելու, քանի որ արձակուրդի է գնացել. «Ամենայն հավանականությամբ, փոխնախարար Մկրտչյանը կլինի»,- ասաց նա: Նախարար Աշոտյանի բացակայությունն էլ այսպես մեկնաբանեց. «Հանրապետությունում քննությունները դեռ նոր են սկսվում, առջևում շատ քննություններ ունենք… Կգա, կհասցնի»: Նշենք, որ Գագիկ Մելիքյանի սպասումները, թե փոխնախարարը ներկա կլինի «Հայոց լեզու և հայ գրականություն» առարկայի միասնական քննությանը, այդպես էլ չարդարացան: Հիշեցնենք` դիմորդներն այսօր քննություն են հանձնել «Հայոց լեզու և հայ գրականություն» առարկայից: |