Ինչպես ավելի վաղ տեղեկացրել էինք, այսօր Հանրապետական ծննդատանն ամուսինը կրակել էր ժամեր առաջ կեսարյան հատումով ծննդաբերած կնոջ վրա, այնուհետև ինքնասպան եղել: ՄԱՄՈՒԼ.am լրատվականի թղթակցի հետ զրույցում Հանրապետական հիվանդանոցի վերակենդանացման բաժանմունքից ասացին, որ կնոջ վիճակը ծայրահեղ ծանր է, նրան այս պահին վիրահատում են: Նա կրակոց է ստացել գլխի և ուսահոդի հատվածում: Չի բացառվում, որ նրա ամուսինը հոգեկան խնդիրներ է ունեցել:
ՀՀ Առողջապահության նախարարությունից տեղեկացնում. «Հայտնաբերվել են բազմաթիվ, գնդակային, բեկորային վիրավորումներ ուսահոդի, պարանոցի, ծոծրակային շրջանում: Հիվանդի վիճակը գնահատվում է ծայրահեղ ծանր, հարաբերական կայուն, ներկայումս գտնվում է վիրասրահում»,- մանրամասնեց «Արմենիա» հանրապետական բժշկական կենտրոնի վիրաբուժության գծով բժշկական տնօրեն Արսեն Գրիգորյանը: Նշենք, որ ՀՀ Առողջապահության նախարար Արմեն Մուրադյանը, ՀՀ ԱՆ գլխավոր մանկաբարձ-գինեկոլոգ Ռազմիկ Աբրահամյանը, մասնագիտական խմբի հետ այս պահին գտնվում են «Արմենիա» հանրապետական բժշկական կենտրոնում: |