Երաժշտական երեկո է Բաղրամյան պողոտայում: Երիտասարդները ազգագրական երգեր ու պարեր են կատարում: Քիչ առաջ, սակայն, «Բերդ» պարի ժամանակ տղաներից մեկը գլխի վրա վայր ընկավ: Նրան մոտեցած շտապօգնության մեքենայի բժիշկներն առաջին օգնություն ցույց տվեցին: Դեպքից հետո, երբ ակտիվիստները փորձում էին շարունակել ցույցը, հոսանքն անջատեցին: «Մեր հոսանքը նորից կտրել են, թիվ մեկ խախտումներից է, որ մեր տեղը որոշում են` երգենք, պարենք, թե ոչ: Պահանջում ենք միացնել»,- գոչում են հավաքվածները: |