Կազանում ընթացող ջրային մարզաձևերի աշխարհի առաջնության ընթացքում այսօր պատմության ընթացքում առաջին անգամ մեդալներ են խաղարկվել սինխրոն լողի՝ խառը զույգերի պայքարում։ Այս մարզաձևը, այլևս, չի համարվելու զուտ կանացի։ Առաջին տղամարդն, ով չեմպիոն է դարձել այս մարզաձևում ամերիկացի Բիլ Մեյն է՝ զուգընկերուհու՝ Քրիստինա Ջոնսի հետ։ Նշենք, որ նոր մարզաձևերի կանոնների համաձայն՝ յուրաքանչյուր թիմը բաղկացած է մեկ տղամարդուց և մեկ կնոջից։ Երկու ելույթների ընթացքում նրանց հավաքած միավորների արդյունքում հայտնի են դառնում հաղթողները։