Այգեհովիտ և Վանաշեն գյուղի բնակիչները զանգահարել են Օմբուդսմենի թեժ գիծ և հայտնել, որ իրենք ոռոգման ջուր ստանալու համար պայմանագրեր են կնքել համապատասխան ջրօգտագործող ընկերությունների հետ, սակայն իրենց մոտ մեկ ամիս ջուր չեն տալիս, որի հետևանքով իրենց բերքը կարող է փչանալ: Օմբուդսմենի աշխատակազմի արագ արձագանքման վարչության աշխատակից Մարտիկ Մարտիրոսյանը հեռախոսազրույց է ունեցել համապատասխան ջրօգտագործող ընկերությունների պատասխանատու աշխատակիցների հետ, ովքեր հայտնել են, որ նախապես կազմված ցուցակի համաձայն քաղաքացիներին պետք է տրվեր ոռոգման ջուր, սակայն խնդիրներ են առաջացել, որի հետևանքով հնարավոր չի եղել այն իրականացնել: Օմբուդսմենի ներկայացուցիչն առաջարկել է հնարավորինս հրատապ ապահովել քաղաքացիներին ոռոգման ջրով, որին ի պատասխան պատասխանատու աշխատակիցները հայտնել են, որ կկատարվեն աշխատանքներ, որպեսզի գյուղերը ապահովվեն ոռոգման ջրով՝ հնարավորինս շուտ: Արդյունքում, 2 գյուղերի բնակիչները տեղեկացրել են Օմբուդսմենի ներկայացուցչին, որ իրենց ոռոգման ջրի հարցը կարգավորվել է:
|