Բրիտանական Բիրմենգհեմից ԻՊ շարքերն անդամագրած 21-ամյա Ջունայդ Հուսեյնն, ով դարձել էր ահաբեկչական խմբավորման քիբերանվտանգության գլխավոր պատասխանատուն, Սիրիայում սպանվել է ամերիկական անօդաչու սարքի հարվածների արդյունքում: Սարքը հարվածներ է հասցրել Ռաքքա քաղաքի մոտակայքում: Միևնույն ժամանակ, սակայն, մի շարք թվիթերյան էջեր, որոնք կապ ունեն ԻՊ հետ, վստահություն են հայտնել, որ Հուսեյնն, ամենայն հավանականությամբ, կենդանի է: Հուսեյնը 2012-ին 6 ամիս անց է կացրել բանտում՝ Մեծ Բրիտանիայի նախկին վարչապետ Թոնի Բլեերի աշխատանքային տվյալները գողանալու մեղադրանքով: Ազատվելուց հետո նա մեկնել է Սիրիա: Հուսեյնը ղեկավարել է «Քիբերխալիֆաթ» հաքերային խումբը, որն անցյալ հունվարին հարձակվել էր Պենտագոնի թվիթերյան էջի վրա: Նա նաև զբաղվում էր նորեկների ընտրությամբ ու կապի ապահովմամբ: |