Պենտագոնի ղեկավար Էշթոն Քարթերը համոզված է, որ Միացյալ Նահանգների գլխավոր սպառնալիքներն «Իսլամական պետությունն» ու Ռուսաստանն են:

Ռազմածովային հետևակային զորքերի առջև ելույթ ունենալով` Քարթերը սպառնալիքների շարքում առաջինը նշել է «Իսլամական պետությունը», որի դեմ ԱՄՆ-ը պետք է պայքարի ու հաղթանակի: Երկրորդ սպառնալիք նա համարել է Ռուսաստանի քաղաքականությունը վերջին տարիներին: «Մենք պետք է կանխարգելենք դա (ՌԴ քաղաքականությունը), ինչպես մեր ազգային շահերի տեսանկյունից, այնպես էլ՝ կապված այն հանգամանքի հետ, որ այդ տարածաշրջանում մենք կարևոր դաշնակիցներ ու գործընկերներ ունենք ու կարևոր պարտականություններ ունենք ՆԱՏՕ-ի շրջանակներում»,- ասել է Պենտագոնի ղեկավարը: