Ամուրի Տեղական պատմության թանգարանում անվտանգության տեսախցիկով սրահի անցուդարձին հետևող հսկիչն օգոստոսի 27-ին, ժամը 22:00-ի մոտակայքում նկատել է սրահում տեղաշարժվող փոքրիկ, առկայծող գունդ: Անբացատրելի թռչող գունդը ցատկոտել է «Արևելքի երկրների պատմության»՝ առաջին հարկում տեղակայված սրահում: Դրան հաջորդել է ևս մեկ գունդ, բայց՝ չափերով ավելի մեծ:

Այս երևույթն ուսումնասիրող մասնագետները դեռևս ոչ մի բացատրություն չունեն, հայտնում են ռուսական լրատվամիջոցները: Հատկանշական է, որ միևնույն թանգարանում որոշ ժամանակ առաջ նկատել են կնոջ կերպարանքով կիսաթափանցիկ երևույթ, լսել ծիծաղի ձայներ: